maxixatzen.eus

Kartelak errespetatu, zentsurarik ez

Erabiltzailearen aurpegia   Politika

Azken aldian herriko hormetan jartzen diren kartelak ez dute egun bat bera ere irauten; hori, betiere, kartelak EAJ-PNVko agintarien gustokoak ez badira behintzat.

 

Garbitzaileak dira kaleko kartelak kentzearen arduradunak, baina ez dugu inolako zalantzarik, azken horiek, udalaren aginduak betetzen dituztela.

EAJ-PNVk oposizioaren aurka dabilen politika salatu nahi dugu. Udal gobernuan ez gauden alderdion ekimenak isilarazteko politika hori ez da berria; EH Bildu aurreko legealdiaren aurretik, urte luzez, hainbat eragilek pairatu izan genuen EAJ-PNVren zentsura politikoa. Azken aldian, berriro, joera areagotzen ari da.

Astelehenean, maiatzak 14, herrian zehar jarri genituen atzo, asteazkena, Elkargunean egin genuen pentsio duinen aldeko hitzaldirako kartelak. Astearte eguerdirako guztiak kenduta zeuden.

EAJ-PNVri eskatzen diogu utz diezaiola besteen kartelak kentzeari, utz diezaiola zentsura politikoa egiteari, eta errespeta dezala herriko beste alderdiok eta eragileok herritarrak informatzeko ditugun medioak ukatzeari.

Erantzunak

Erantzuna | #1

Herrian iragarkiak ipintzeko dauden 9 panelei dagokienez, Udalak garbiketa enpresari emandako agindu bakarra honakoa da: iragartzen duten ekitaldia igaro arte kartel guztiak mantentzeko. Aldiz, paneletatik kanpo daudenak denak kentzeko.

Erabiltzailearen aurpegia Erantzuna | #2

Herrian dozenaka eta dozenaka eragile ditugu: Kirol mundukoak, politikoak, kulturgintzakoak eta abar luze bat. Hauek guztiak beren lana herriari komunikatzeko 9 panel bakarrik, erdigunean noski eta beti beteta.

Auzoetako herritarrek ez al dute eskubide bera informazioa jasotzeko? Eta panelak betetakoan (ia beti hala daudela) zer egin behar dugu?

Panelak beteta egotea eta hormak erabiltzeko beharra sortzea albiste positibotzat hartu beharko genuke, herri bizi bat dugun seinale eta honi askatasunez adierazteko aukera eskaini beharko genioke. Ala Udal Gobernuak ez du nahi herri bizi bat?

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa