Azkoitian ez zarete ongietorriak! Ustelak lurpera!

Azkoitia Zutik erraustegiaren aurkako plataformak elkarretaratze zaratatsua egin du herriko plazan, Gipuzkoako Batzar Nagusietako Osoko Bilkura Ibiltaria izan delako gaur goizean, udaletxean. Une horretan, Ertzaintzak Iñaki Astigarraga plataforma horretako kide bat atxilotu du; minutu batzuk geroago askatu badute ere, uztailaren 19an epaiketa ezarri diote.