C.D. Anaitasuna eta Egoitz Arana akordio batera iritsi dira, atezain zarauztarrak Anaitasunan utzita joka dezan denboraldia amaitu bitartean. 17 urteko atezainak Zarautz futbol taldean egin zuen haur mailako lehen urtea, eta ondoren, 2014-15 denboraldian Real Sociedad taldeak fitxatu zuen; talde donostiarrean jokatu ditu azken urteak. Iaz Euskal Selekzioak deitu zuen 19 urtez azpikoko taldearekin jokatzeko. Josu Juaristi Zuzendaritzako kirol arduradunak aurkeztu zuen atzo, asteazkena, jokalaria, eta ondoren lehen lan saioan parte hartu zuen taldekide berriekin.
