Urratsez urrats, aurrera

Anaitasunak distira handiegirik gabe irabazi dio Añorgari. Urratsez-urrats bidea markatzen jarraitzen du, ordea, Artetxeren taldeak.

Anaitasunak laugarren garaipena lortu du jarraian. 2018. urte amaieran Aretxabaletan lortu zuen garaipenaz geroztik, jokatutako neurketa guztiak irabazi dituzte Ohorezko Mailako mutilek, eta, beste pauso sendo bat eman dute etorkizunera begira. Lehen zatian, maila ona emanda, bi eta hutsekoarekin hartu dute aldageletarako bidea, baina bigarrenean ez ditu erakutsi bere gaitasunak taldeak. Añorgarrek partidan sartzeko abagune garbia izan dute amaieran.