Mailari eusteko borrokak bizirik dirau

Julen Iriartek neurketa amaitu baino zazpi minutu lehenago egindako golak, garaipena eman dio Anaitasunari Sodupeko Hurtado de Saratxo zelaian

Anaitasunak merezitako garaipena lortu du Sodupen. Lehen zatia estua eta borrokatua izan bada ere, bigarren zatian neurketa erabat ireki da, eta Anaitasunak ondo baliatu ditu bere armak hamaika bider Soduperen area zapaldu eta arriskua sortzeko. Aukera ugari izan dituzte gorrixek, eta 83. minutuan merezitako gola lortu du Julen Iriartek Anaitasunarentzat. Hurtado de Saratxo zelaian lortutako garaipenari esker, Anaitasunak 26 puntu ditu, eta mailari eusteko borrokan bete-betean sartu da.