Bikote bat zen, lau bat hilabetera hirukote bihurtuko zena, eta amultsu gonbidatu gintuzten furgoneta barruan atondutako egongelan esertzera. Inoiz baino laburragoa iruditu zitzaidan bidaia. Bikotea bera furgoneta hippy polita baino maitagarriagoa zen. Bizitzaz hitz egin genuen, munduaz, stopean jende gutxi ibiltzeaz eta hain harrigarria zen kontu batez: etxeko baten baserritik itzultzean Zumarragako bikote batek hiru ezezagun hartu, eta zihoazen lekuraino eramatea erabakitzea, horrexegatik bakarrik, bizirik gaudelako.
Hitz eta pitz, izenak aipatzeko ere astirik ez genuen baliatu. Gizon gaztea musikaria zen, CD bat ekoizten ari zen. Onbidean, furgoneta horian dagoeneko sehaska bat egongo da, eta hara orain arte kronika maitagarri hau ez kontatu izanaren arrazoia: inork ez sinesteko beldur ginen.
Koldo Campos Sagaseta
Aitor Arruti Rezabal