-Gaurtik aurrera, mahaia jasoko duzu egunero… ados? - Horixe da heldu bihurtzeko modua, une batetik bestera, ustekabean. Urte batzuk lehenago, txupetea utzi zuenean pentsatu zuen, urte batzuetarako bakea izango zuela, baina amak gehiago eskatzen jarraitu zuen, eta hantxe zeukan orduan ere, erantzun zain.
Familia bateko kidea izanik, daukazun adina daukazula, eginkizunen bat dagokizu familiaren barruan, eta, beste guztiek zerbait egiten baldin badute, zuk zergatik ez?
Hala, beldurrak eta erresuminak atzean utzi zituen, eta, irribarretsu, onartu egin zuen amak proposatu ziona. Egun hartan bertan jaso zuen mahaia lehenengoz; hurrengo egunean bigarrengoz. Hirugarren egunean, Xanetek, mahaia hirugarrenez jasoz heldu bihurtu aurretik, pentsakor galdetu zion amari:
-Eta noiz erabaki dugu nik mahaia jaso behar dudala?
Koldo Campos Sagaseta
Aitor Arruti Rezabal