Mintzalagun egitasmoak kirola eta naturaz gozatuz euskara praktikatzeko aukera ere eskaintzen du. Horrela, Euskal Herriko txoko guztietako paisaiak ezagutzeko parada dugu urte guztian, hainbat ekintza tarteko: paseotxoak, orientazio saioak, kobazuloetara bisitak... Eta oraingoan, gure eskualdean, Izarraitz mendiguneko mendietara txangoa antolatu dute.
Herritar oro dago gonbidatuta. Mendia eta euskara batuta, aukera polita da Azkoitiko euskaldunen sarea indartzeko!
Interesa duenak hemen du izena emateko aukera; urriaren 18an bukatuko da epea. Urriaren 23an, 09:30ean hasiko da mendi ibilaldia, Aittolako aparkalekutik abiatuta. Animatu!
