Bost minutuko blitz partiden xake txapelketa jokatu du Anaitasuna-Kakuteko xakelari talde batek gaur, Ermuan. Jokoa hartu duen herriko bertako taldea izan da txapelduna, 28,5 puntu lortuta. Haren atzetik bigarren postua egin du Anaitasuna-Kakutek, 26,5 puntu batuta. Azkoitiko xake taldearen atzetik gelditu dira, hurrenez hurren: Beraun, Martintxo, Ermua B, Abadiño, Lekeitio, Eibar, Camerun eta Santurtzi.
Ermuko txapelketako Anaitasuna-Kakute taldea honako xakelariek osatu dute: Ion Kuende, Manuel Paredes, Jose Joaquin Larrañaga eta Imanol Larrañaga. Lan ona egin du taldeak, eta datorren zapatuan Errioxan (Espainia) jokatuko duten xake txapelketarako prestatzeko baliagarria izango dute.
