Trantsizio ekologiko ordenatu, erreal eta adostutako baten alde gaudenok ondorengoa adierazten dugu:
- Energia berriztagarrien aldeko apustu irmoa egin behar dugula, makroproiektu txikitzaileak baztertuz.
- Klima larrialdia eta krisi energetikoa gaur egungo antolaketa sozial eta ekonomikoaren ondorio direla eta horren aldaketa sakonik planteatu gabe parke eolikoak ezartzeak ez duela ezer aldatuko.
- Trantsizio energetikoak planifikazioa eskatzen duela, ezinbestean. Gogoeta hori kolektiboki eta herritarron partehartzearekin egin ezean, egungo ereduak empresa prIbatu handiek gure natura baliabideak espoliatzea dakarrela, gastuak sozializatuz eta etekinak pribatizatuz.
- Energia eta elikagai burujabetza helburu, naturarekin dugun harremanari eta lurraren erabilerari buruzko eztabaida ezinbestekoa dugula.
- Gelditzen zaizkigun naturgune apurren galera dakarren eolikoen proiektu honen (eta isilean planeatzen ari diren gainontzekoen) kontra gaudela eta bertan behera uzteko lanean jarraituko dugula.
- Urretxuko Udalak egin duen bezalaxe, Azkoitiko Udalari zera eskatzen diogu: proiektu honen kontra eskura dituen legezko baliabide guztiak erabiliko dituela konpromisoa hartzea.
Lurra defenda dezagun!