"Beste urte batez, Aingeru Guardako eguna izan zen martxoaren 1ean. Herritar ugari gerturatu zen herrigunetik kilometro batera dagoen ermitar. Hara heltzeko, hainbat eta hainbat ibilgailu pasatzen diren errepidearen bazterretik igaro behar izan zuten.
Tamalez, hori da Azkaratera bidean bizi garen auzokideok egunero pairatzen dugun errealitatea. Hainbat istripu izan ditugu auzokideok eta beldurrez igarotzen dugu herrirainoko bidea.
Iruditzen zaigu herriari irteera berria emango diola Olaso alderainoko oinezkoentzako bidea egiteak. Udalari bidali genion eskaera eta haiek eskumen hori duen Gipuzkoako Aldundiari. Azken horiek 'radar pedagogiko' bat jarri dute, baina horrek ez du gure arazoa konpondu. Badakigu, orain dela urte batzuk, errepide bazterrean espaloia egiteko proiektua bazela. Proiektu hura berreskuratu, aztertu eta gauzatzea eskatu nahi dugu".