Elkarrekin bidea urratzen
UKT

Komunikabideak

Urola Kostako tokiko hedabideona ez da apustu makala izan. Elkarlanaz haratago joan eta bat egitea erabaki dugu, egitura eta lantalde bakar batean antolatuta. Lehen Karkara, Baleike, Uztarria, Maxixatzen, Erlo Telebista eta Urola Kostako Hitza ginenak, Urolako Komunikazio Taldea (UKT) gara orain. Tokian tokiko markak eta produktuak mantendu dira, herrietako elkarteek ere bizirik jarraitzen dute, baina sei komunikazio proiektu solteren lekuan, komunikazio proiektu sendo bat aurki daiteke orain.

Batzen gaituena gara!
UKT

Komunikabideak

Elkarlana gara; eta konpromisoa. Bertakoak gara, gertukoak, herrikoak. Askotarikoak gara, anitzak, irekiak. Euskaldunak gara. Talde lana dugu oinarri, kalitatezko zerbitzua ipar. Euskararen plaza gara, herriaren irudia eta komunitatearen ahotsa. Batzen gaituena gara.