Udal Araudi Plana eta mozioak, biharko udalbatzarreko gai zerrendan

Ane Olaizola 2024ko ots. 27a, 10:23
Azkoitiko udaletxea. (Andoni Elduaien)

Pentsioei eta Martxoaren 8ari buruzko mozio bana jorratuko dute udal ordezkariek bihar 18:00etan hasiko den osoko bilkuran.

Azkoitiko Udalak otsaileko ohiko udalbatzarra egingo du bihar. 18:00etan hasiko dute osoko bilkura eta zortzi puntuko gai zerrenda jorratuko dute udal ordezkariek; besteak beste, aurtengo Udal Araudi Plana aurkeztuko du udal gobernuak udalbatzarrean, eta bi mozio ere landuko dituzte: pentsioei buruzkoa bata, eta Martxoaren 8koa, bestea.

Hau da otsaileko udalbatzarraren gai zerrenda osoa:

1.- Aurreko bilkurako aktaren onespena, hala badagokio.
2.- 2024ko Udal Araudi Planaren onespena.
3.- 2023 ekitaldiko udal langileen ordainsarien bigarren igoera gehigarriaren onespena.
4.- Pentsioei buruz EH Bildu udal taldeak, eta EAJ-PNV eta PSE-EE udal taldeek aurkeztutako mozioak.
5.- EAJ-PNV eta PSE-EE udal taldeek aurkeztutako martxoaren 8rako, emakumeen nazioarteko eguna, Adierazpen Instituzionala.
6.- Behin betiko onespenen berri ematea.
7.- Aurrekontuari buruzko informazioa.
8.- Galde-erreguak.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide