Etzi, larunbata, 31. Udaberriko Musikaldiko azken kontzertua izango da Santa Kutz komentuan. 18:30ean hasita, Toti Martinez de Lezeak, Gorka Hermosak eta Edurne Zabalok Sorginak eta sorginkeriak ikuskizuna eskainiko dute.
Martinez de Lezeak sorginei buruz duen jakintza kontatuko du ikuskizunean, eta musikak lagunduta "sorginak zer ziren, edo hobeto esanda, zer ez ziren" azalduko du hark. Landareak, akelarrea nahiz kondairak baliatuz, emakumea historian zer izan den kontatuko du, eta zer izango den. Hermosa akordeoi jotzaileak berak konposatutako abestiak eskainiko ditu Zabalo klarinetistarekin batera. Etzikoa "pentsarazi egingo duen ikuskizuna" izango dela aurreratu dute antolatzaileek.
Hona hemen musikaldiaren programa.
Autobus zerbitzua, larunbatero
Ohi bezala, udalak doako autobus zerbitzua jarriko du herrigunetik komentura joan-etorria egiteko. Autobusa larunbatero 18:00etan aterako da Julio Urkixo etorbidearen 7an dagoen geralekutik –Eroski txikiaren ondotik–. Bidaia autobusean egiteko ez da beharrezkoa izango aurrez izena ematea.