Lorau hitza erabiltzen da Azkoitian, batetik, landareak loreak eman dituela adierazteko, eta bestetik, edanarekin edo sukarrarekin pertsona bati begiak argitu edo bizitu zaizkiola esateko.
Honela erabili ohi da landareak loreak eman dituela esateko:
- Azkoitiko hizkeran: "Ataiko landarak lorau zaizko amamai".
- Euskara batuan: "Atariko landareak loratu zaizkio amonari".
Bestalde, honela erabili ohi da pertsona bati edanarekin edo sukarrarekin begiak argitu zaizkiola esateko:
- Azkoitiko hizkeran: "Ze, Iñaki, zenbat kalimotxo eran dittuk? Daoneko beixek loraute dauzkek!".
- Euskara batuan: "Zer, Iñaki, zenbat kalimotxo edan dituk? Dagoeneko begiak argituta dituk!".
Iturria: Azkoittiko euskerie, Aizkibel beka.