Atzo, apirilak 23, Liburuaren Nazioarteko Eguna izan zen. Egun hori aitzakia hartuta, Maxixatzenek liburu sorta bat zozkatuko du bazkideen artean. Hain justu, Elkar argitaletxeak emandako liburu sorta zozkatuko du Maxixatzenek. Guztira, lau liburu zozkatuko dira: Asel Luzarragaren Lurrean haziak, Felix Arrietaren Zaintzaren hariak, Iratxe Ormazaren Printzak begietan eta Iñigo Astizen eta Mikel Valverderen Kixkur, pintorearen arreba.
Liburuen zozketan parte hartu nahi duten bazkideek osteguneko 12:00etara arteko epea izango dute. Zozketan parte hartzeko, honako lotura honetan eman daiteke izena, edota 943-56 01 64 telefonora deituta. Horrela egiten dutenek NAN zenbakia eta zozketaren kodea tekleatu beharko dituzte. Kasu honetan, zozketaren kodea 40 da.