- Aurtxoa seaskan (Abesti herrikoia): "Txikitako oroimenean, umea nintzeneko oroimenean dut gordeta abesti hau; izan ere, nire amona entzun nuen abesten haurra nintzen batean".
- Haur eder baten bila (Abesti herrikoia): "Eguberri garaikoa da abesti hau. Nire gurasoak Zegamakoak [Gipuzkoa] ziren, eta Gabonetan askotan joaten ginen Zegamako baserrira. Umea nintzela, beste batzuekin batera, baserriz baserri joaten ginen kantuan. Oroimen hori ere ondo gordeta dut".
- Aitorren hizkuntz zaharra (Ziriako Andonegi): "Gaztea nintzela, frankismo garaian, hemengo giro politikoaren bueltan gazteok abesten genuen kantuetako bat da. Euskararen aldeko abestia da, inondik inora".
- Kalera, kalera (Imanol Urbieta eta Josu Txapartegi): "Eguberri inguruan presoen aldeko ekintzak egoten ziren, eta abesti hau kantatzen genuen. Gazte denborako oroimenetako bat da".
- Azken Afariaz gero Jauna (Juan Mari Lekuona): "Eliz giroko kantu bat ere hautatu dut. Oso gustukoa dut abesti hau ere".