Joan den martxoaren 11tik, abian da 52. Gipuzkoako Hiru Txirlo Bolo Txapelketa, eta datorren larunbatean, hilaren 25ean, hirugarren jardunaldia jokatuko dute Azkoitian. Ohi bezala, Floreagako bolatokian elkartuko dira jokalariak, eta 17:00etatik aurrera, inguruko hainbat herritako klubak lehiatuko dira han.
Guztira, 12 jardunaldi izango ditu Gipuzkoako bolo lehiak, eta ekainaren 10ean, larunbatez, izango da azken tiraldia, Azpeitian. Gainera, Garmendipeko bolatokian jokatuko duten jardunaldi horretan Lehendakari Saria ere banatuko dute.