Anaitasuna Mendi Bazkunak mendi eski irteera antolatu du martxoaren 25eko eta 26ko astebururako. Aurreneko egunean Panticosako bainuetxetik hasiko dute ibilbidea mendizaleek, eta Pondielloseko lepotik Pondielloseko ibonera igaroko dira, eta handik Infierno (3.082 m.) mendia igoko dute, eta Saretaseko lepotik Bachimañako aterpetxera jaitsiko dira. Guztira, 1.600 metroko desnibela eta 10 kilometro inguruko ibilbidea egingo dute.
Bigarren egunerako aurreikusitako ibilbidea, berriz, Bachimañako aterpetxetik hasiko dute, eta Diente de Batanes (2.912 m.) mendia igotzeko asmoa dute, handik gero Panticosako bainuetxera itzultzeko. Kasu honetan, 800 metroko desnibela eta 9 kilometroko ibilbidea egingo dute.
Azkenengo elurrak aprobetxatzeko, "ibilbide ederrak" direla nabarmendu dute Azkoitiko mendizaleek.
Mendi eski irteeran izena emateko aukera martxoaren 22ra artekoa izango da, eta izena Lopetegi iturgintzan eman beharko da.