Zein da 'mazkala' Azkoitiko hitzaren esanahia?

Erredakzioa 2023ko mar. 10a, 08:24

Maxixatzenek, Azkoitiko euskara bultzatzeko asmoarekin, Azkoitiko hitz edo esamolde bat argitaratzen du ostiralero. Joan den astean, 'este-sobrie' adieraren esanahia erakutsi zuen webgunean. Oraingoan, 'mazkala' hitza aukeratu du Maxixatzenek. Ba al dakizu zein den hitz horren esanahia?

Mazkala hitza erabiltzen da Azkoitian ahula edo ganoragabea den pertsonari deitzeko. Adibidez, honela erabili ohi da:

Ahula esateko:

  • Azkoitiko hizkeran: "Gaxoik eon zanetik, mazkal jittie zauken horrek".
  • Euskara batuan: "Gaixo egon denetik, ahul itxura du horrek".

Ganoragabea esateko:

  • Azkoitiko hizkeran: "Gaurko bero honekin mazkaldute nitxion; etzaukenat ezertakore gogoik".
  • Euskara batuan: "Gaurko bero honekin ganorarik gabe nagon; ez dinat ezertarako gogorik".

Iturria: Azkoittiko euskerie, Aizkibel beka.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide