Ibilgailu guztiek kateak behar dituzte Elosuko mendatean

Joan den asteko elurteko irudi bat, Aittolan. (Euskadiko Suhiltzaileak)

Ibilgailu guztiek behar dituzte kateak Elosuko mendatetik igarotzeko, hain zuzen, autoek, kamioiek eta ibilgailu artikulatuek. Eskualdeko beste bi mendatetan, Mandubian eta Meagan, kontuz gidatzeko gomendioa egin du Trafiko Zuzendaritzak.

Azken orduetan ere elurra da protagonista. Herriguneraino iritsi dira elur malutak bart, eta nola ez, herriko auzoetako errepideetan eragina izan du gaur goizean. Trafiko Zuzendaritzak emandako informazioaren arabera, ibilgailu guztiek kateak behar dituzte Elosuko mendateko GI-3750 errepidetik igarotzeko.

Era berean, erakundeak kontuz gidatzeko gomendioa egin du GI-2635 errepidean, Mandubiako mendatean, eta GI-2633 errepidean, Meagako mendatean.

Errepideetako egoera Trafikoa.eus webgunean kontsulta daiteke.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide