Hiru film ikusi ahal izango dira larunbatetik asteartera bitartean Baztartxon

'Todos lo hacen' filmaren irudietako bat (Sensacine).

Todos lo hacen helduentzako filma larunbateko nahiz igandeko 19:30ean eta asteleheneko 20:00etan ikusi ahal izango da. Haurrentzako, Inspector Sun y la maldición de la viuda negra filma, berriz, igandeko 17:00etan. Asteartean, bestalde, 918 gau filmaren zineforuma egingo dute antzokian.

Asteburuan, Todos lo hacen eta Inspector Sun y la maldición de la viuda negra filmak eskainiko dituzte Baztartxo antzokian. Helduentzako filma larunbateko nahiz igandeko 19:30ean eta asteleheneko 20:00etan ikusi ahal izango da; ohi bezala, astelehena ikuslearen eguna izendatu dute Baztartxoko arduradunek. Haurrentzako filma, berriz, ohiko ordutegian eskainiko dute, igandeko 17:00etan. Oraingoan, Inspector Sun y la maldición de la viuda negra filma ikusteko aukera izango dute gaztetxoek.

Asteartean, bestalde, 918 gau filmaren zineforuma egingo dute Baztartxon, Zinetogram taldeak antolatuta. 20:00etan hasiko da zineforum emanaldia antzokian. Emanaldian, gainera, Arantza Santesteban 918 gau filmaren zuzendariak parte hartuko du, eta ikus-entzunezkoari buruzko azalpenak emango ditu.

Hona hemen hiru filmen aurrerapen bideoak:

Todos lo hacen filma:

Inspector Sun y la maldición de la viuda negra filma:

918 gau filma:

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide