- Erre zenituzten (Xabi Solano): "Tamalez, gaur egun ere, mundu zabaleko hainbat tokitan, emakume izate hutsagatik gutxietsi, diskriminatu, abusatu, anputatu eta erretzen gaituztelako.
- Gure bazterrak (Mikel Laboa): "Melankolia unetan abesti hau entzutea lagungarri zait, egunerokotasuneko lanbroaren atzean dauden bazter argitsuak ikusiko ditudalakoan".
- Euritan dantzan (Gatibu): "Eskerrak eman besterik ez dut Alex Sarduiri bereziki, eta talde osoari, 2015ean Azkoitiko EH Bildurentzat abesti honen bertsioa egiteagatik eta gugan sinesteagatik. Itzela!".
- Galdu ez baduzu (STR): "Bada ia hamarkada bat Goazen! telesaileko zuzendari lanetan ari naizela. Bertako talentuz jositako gazteek osatzen dute taldea. Positibotasun kutsakorra beraiena".
- Erabakiak (Ainhoa Larrañaga): "Ahots eztiz, begirada gozoz, esaten digu abeslariak bi alde bakarrik ote dauden: baietza edo ezetza; besteen nahia edo norberarena. Akaso bada helburu gabeko erdi-biderik?".