Azkoitiko Udalak 2023ko aurrekontuaz eztabaidatuko du osteguneko ezohiko udalbatzarrean

Anartz Izagirre 2022ko abe. 20a, 12:30
Azkoitiko udaletxearen irudi bat. (Andoni Elduaien)

Ezohiko udalbatzarra egingo du etzi, osteguna, Azkoitiko Udalak, eta besteak beste, 2023ko udal aurrekontuaz hizketan arituko dira bertan. 19:00etan izango da.

Azkoitiko Udalak 2023ko udal aurrekontua izango du hizpide etzi, osteguna, osoko bilkura aretoan 19:00etatik aurrera egingo duen ezohiko udalbatzarrean. Guztira, lau puntuko gai ordena izango du Udalbatzak, eta lehen puntua aurrekontuei eskainiko diete. Hain zuzen ere, 2023ko udal aurrekontua, San Jose egoitzarena, Zubiaurre-Elkargune institutuarena, Azkoitia Lantzen S.A.-rena eta aurrekontu kontsolidatua izango dituzte hizpide puntu horretan.

Horrez gain, Azkoitiko Udalaren dirulaguntzen 2023-2025 urte arteko Plan Estrategikoa izango da osteguneko udalbatzarrean eztabaidatuko duten beste puntu garrantzitsuetako bat.

Hona hemen gai ordena, osorik:

  • 2023 ekitaldirako Azkoitiko Udalaren, San Jose egoitzaren, Zubiaurre-Elkargune institutuaren eta Azkoitia Lantzen S.A.-ren aurrekontuak eta aurrekontu kontsolidatuaren hasierako onespena.
  • 2023 ekitaldiko Azkoitiko Udaleko langileen plantillaren eta lanpostu zerrendaren hasierako onespena.
  • Kreditu gehigarri bidez kredituak aldatzeko Azkoitiko Udaleko 8. zenbakidun espedientearen hasierako onespena.
  • 2023-2025 Azkoitiko Udaleko dirulaguntzen Plan Estrategikoaren onespena.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide