Etzi, larunbata, Glu Glu konpainiak Munduari itzulia 80 egunetan haurrentzako ikuskizuna eskainiko du Baztartxo antzokian, 18:00etan. Maxixatzenek Azkoitiko Udalak emandako bi sarrera bikoitz zozkatu ditu Maxixatzeneko bazkideen artean. Era berean, Maxixatzenek igandean Bilboko Bilbao Arenan jokatuko den III. Sherpa.ai Aizkolari Txapelketa Nagusia zuzenean jarraitzeko sarrera bikoitz bat zozkatu du.
Asko izan dira bi zozketetan parte hartu duten bazkideak, eta horien artean zozketa egin ondoren, Maitane Juaristi eta Joxe Sarasua bazkideek irabazi dituzte ikuskizuna zuzenean ikusteko bina sarrera. Igandeko aizkora finala ikusteko sarrera bikoitza, bestalde, Jone Martin bazkideak irabazi du.