EH Bilduk manifestazio nazionala deitu du datorren azaroaren 12rako Bilbon, eta Abante! lelopean kaleak betetzeko deia egin die herritarrei. Azkoititik autobusa egongo da egun horretan Bilboko manifestaziora joan nahi duten herritarrentzat, eta izena emateko bi modu jarri dituzte: Latz tabernan edo azkoitia@ehbildu.eus helbide elektronikora idatzita. Autobusa 15:45ean aterako da Julio Urkixoko geralekutik, eta manifestazio ondoren Azkoitira bueltatuko da.
Koalizioak honako ideia zabaldu nahi du manifestazio horren bitartez: "Harresi bat altxatu nahi digute: etsipenarena, esperantzarik ezarena, inkomunikazioarena, intoxikazioarena, autoritarismoarena, erreakzioarena. Baina Euskal Herrian harresi hori botako dugu, olatu bat altxatuko dugu harresi hori eraitsiko duena. Ez gaituzte geldituko!". Abante! da horretarako hautatu duten leloa, "hori da EH Bilduk aurrean dugun krisiari erantzuteko hartu duen konpromisoa", diote.
Hona hemen manifestaziora dei egiteko EH Bilduk egindako spota: