Bihotz-biriketako bizkortze saioa eskainiko du EusTES erakundeak igandean

Desfibriladore baten irudia. (Pixabay)

Bihotz-gelditzearen kontzientziazioko Europaren eguna izango da urriaren 16an, eta horren harira antolatu dute saioa. 11:00etatik 14:00etara izango da saioa, plazan, eta edonork izango du parte hartzeko aukera.

Datorren igandean, urriak 16, Bihotz-gelditzearen kontzientziazioko Europaren eguna izango da hainbat txokotan, eta EusTES erakundeak bihotz-biriketako bizkortzearen (BBB) inguruko saioa antolatu du egun horretarako. Haurrei zein helduei zuzenduriko jardunaldia izango da, eta hiru orduko praktikaldia egingo dute partaideek, panpinekin eta desfibriladoreekin, 11:00etatik 14:00etara bitartean. Plazan izango da saioa.

Antolatzaileek jakinarazi dutenez, euria egiten badu bertan behera utziko dute ekintza. Informazio gehiago behar duenak info@eustes.eus helbide elektronikora idatzi dezake. Dena den, ekintzan parte hartzeko ez da aurrez izena eman beharrik egongo.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide