Erakusketa berri batek hartu du Portaleburu aretoko erakusleihoa. Hain zuzen, Angel Mari Arenasek Candido Beristain zenari (1922-2002) dion miresmenagatik eta haren oroimenean prestatu duen erakusketa.
Arenasek argazki zaharrak, margolanak, agiriak, kartelak, musika instrumentuak, partiturak, eskulturak... askotariko dokumentuak zein oroigarriak bildu eta ikusgai jarri ditu Portaleburun, Beristaini dion miresmenaren adierazgarri. Azkoitiko Udala eskertuta agertu da: "Lagun musikari baten omenaldi xume bezain polita. Eskerrik asko altxor horiek herritarrekin partekatzeagatik".
