Plaza Ondo elkarteak Itziarrera, Debara eta Aittolara irteera antolatu du abuztuaren 25erako, ostegunerako. 09:30ean abiatuko da autobusa Azkoitiko liburutegiaren aurretik Itziarrera, eta hara iristean, norberak eramandako hamarretakoa jango dute –edaria Plaza Ondo elkarteak eramango du–.
Ondoren, Debara joango dira, eta 13:30ean autobusez joango dira handik Aittola Zahar jatetxera. Honako menu hau izango dute Aittola Zaharren: kroketak, paella, oilaskoa eta postrea.
Irteerara joan nahi dutenek 35 euro ordaindu beharko dute, eta txangorako izena abuztuaren 1etik 10era bitartean eman beharko dute Plaza Ondo elkartearen bulegoan.