Urola Turismoak bertan behera utzi ditu udako bisita gidatuak

Balda dorretxea (Ales Berasategi)

Aurtengo udan ez da Urola Turismoaren bisita gidaturik egiteko aukerarik izango eskualdean, ohar bidez jakinarazi dutenez, berta behera utzi baitute aurtengo egitaraua. "Epe labur ertainera egitarau berrituarekin" itzuliko direla jakinarazi dute.

Iraurgi Berritzen garapen agentziak Loiolako turismo bulegoaren bidez kudeatzen duen Urola Turismoak bertan behera utzi du udako bisita gidatuen programa; horrenbestez, ez dira egingo eskualderako aurreikusita zituzten bisitak. Urola Turismoak ez du erabaki horren arrazoirik jakinarazi, baina adierazi du "epe labur ertainera egitarau berrituarekin" itzuliko direla. Era berean, "eskualdean uda bikaina pasatzeko hainbat aukera" daudela azaldu dute, eta honako lotura honetan kontsulta daitezke aukera horiek.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide