Zein da 'purtzillun' Azkoitiko hitzaren esanahia?

Maxixatzen.eus 2022ko uzt. 1a, 09:00

Maxixatzenek, Azkoitiko euskara bultzatzeko asmoarekin, Azkoitiko hitz edo esamolde bat argitaratzen du ostiralero. Joan den astean, 'ttanttun ibili' adieraren esanahia erakutsi zuen webgunean. Oraingoan, 'purtzillun' hitza aukeratu du. Ba al dakizu zein den hitz horren esanahia?

Purtzillun hitzak gauzak edozein modutan edo narrats edukitzea esan nahi du. Adibidez, honela erabili ohi da:

  • Azkoitiko hizkeran: "Erropak beti purtzillun eukitzeittu gizon horrek etxien".
  • Euskara batuan: "Arropak beti edozein modutan edukitzen ditu gizon horrek etxean".

Iturria: Azkoittiko euskerie, Aizkibel beka.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide