Azkoitiko Plaza Ondo jubilatuen elkarteak antolatuta, Elizondo eta Doneztebe (Nafarroa) bisitatu zituzten atzo, osteguna, ia 100 azkoitiarrek. 08:30ean, Aizkibel liburutegi paretik abiatu ziren autobusez 98 herritarrak, eta hala joan ziren Nafarroako bi herrietara. Hamarretakoa egin zuten lehenik Bertizko parke naturalean; otordu hori egiteko parte hartzaile bakoitzak eraman behar izan zuen ogitartekoa, baina edatekoa jubilatuen elkarteak ordaindu zuen.
Donezteben egin zuten bazkaria, honako menu honekin: entsalada nahasia, paella, baba gorriak, bakailaoa Bizkaia erara, zatitutako txuleta, flana izozkiarekin eta kafea. Plaza Ondo elkarteko kideek jakinarazi dute eguna "ezin hobeto" igaro zutela.
Argazkia: Jesus Mari Alberdi-Plaza Ondo elkartea