Atzo, osteguna, Intsausti jauregia bisitatu zuten Pasira egitasmoan parte hartzen duten herritarrek. Juan Bautista Mendizabal Euskalerriaren Adiskideen Elkarteko presidenteak eta herriko historialariak egin zien harrera bisitariei, eta eraikinaren nahiz haren bueltan sortutako historia azaldu zien.
Ibilbidea egitearekin batera, herritarrek Azkoitiko ondarea sakonago ezagutzeko aukera izan zuten, beraz. Bisitariek, gainera, Intsausti jauregiaren ohorezko liburuan bere sinadura egiteko aukera izan zuten.