Abian da Azkoitiko II. Eraskusleiho Lehiaketa. Azkoitiko Udalak eta Herrixen merkatari elkarteak antolatu du Ongietorri Uda lelopean, "herriko merkataritza txikia balioan jartzeko eta dinamizatzeko" helburuarekin. Parte hartu nahi duten saltokiek ekainaren 13a baino lehen eman beharko dute izena udaletxeko Herritarren Bulegoan edota Herrixen merkatari elkartearen bulegoan (Kultur Etxeko 1go solairuan). Telematikoki ere eman daiteke izena, eta horretarako, herrixen@hotmail.com helbidera idatzi beharko da.
Erakundeak jakinarazi du erakusleihoek prest egon beharko dutela ekainaren 13rako, astelehena, eta ekainaren azkenera arte ikusgai utzi beharko direla. Gainera, partaideek erakusleihoaren argazkia Herrixen merkatari elkarteari helarazi beharko diote, helebide elktronikora idatzita edo 608 31 30 24 telefono zenbakira whatsapp mezu bat bidalita.
Lehiaketan parte hartzen duten erakusleiho guztien balorazioa Gipuzkoako Merkatarien Federazioko ordezkari batek egingo du, eta, besteak beste, originaltasuna, sormena, produktuak erakusteko modua edota uda giroaren isla baloratuko dituzte.
Erakundeek argitaratu dituzte lehiaketaren oinarriak, eta hiru sari banatuko dituzte Herrixeneko bonuetan. Hain zuzen, 350, 250 eta 150 euroko balioa duten bonuak eskuratuko dituzte irabazleek. Halaber, Herrixen elkartearen saria ere banatuko dute. Facebook sare sozialaren bidez botoa ematen duten herritarren artean 50 euroko bonua zozketatuko da. Sari banaketa ekitaldia ekainaren 24ean izango da.