Bihar hasiko da 22. Korrika Amurrion, eta hurrengo ostiralean iritsiko da eskualdeko herrietara. Irekiera ekitaldian zuzeneko saio berezia egingo dute ETBk, Hamaika Telebistak, Berriak, Goienak eta Kanaldudek, eta bertan parte hartuko du Urolako Komunikazio Taldeak (UKT) ere.
Mireia Galarza UKTko kazetaria izango da Amurrion, eta Korrikarekin lotutako hainbat lagun elkarrizketatuko du. Zuzeneko saioa ikusteko aukera izango da UKTko tokiko webgune guztietan –Baleike, Karkara, Maxixatzen, Uztarria eta Zarauzko Hitza– Urola Kostako Hitzan eta Erlo Telebistan, 15:45ean hasita.