Zein da 'erreportzaketan' Azkoitiko hitzaren esanahia?

Maxixatzen.eus 2022ko ots. 18a, 08:45
San Jose atarian erreportzaketan. (Artxiboa)

Maxixatzenek, Azkoitiko euskara bultzatzeko asmoarekin, Azkoitiko hitz edo esamolde bat argitaratzen du ostiralero. Joan den astean, 'txongue' izan zen webgunean erakutsi zuen hitza. Oraingoan, 'erreportzaketan' hitza hautatu du Maxixatzenek. Ba al dakizu zein den bere esanahia?

Abarketa josterakoan Azkoitian erabiltzen den terminoa da erreportzaketan. Adibidez, honela erabili ohi da:

  • Azkoitiko hizkeran: "Amak bitterte hortan errefortzaketan einber izete zun".
  • Euskara batuan: "Amak bitarte horretan abarketak josten aritu behar izaten zuen".

Iturria: Azkoittiko euskerie, Aizkibel beka.

Euskara Azkoitia

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide