Sanandres jaiak gero eta gertuago daude. Hori horrela izanda, barrakak Azkoitira itzuli dira gaur, asteazkena. Barraken jabeak goizean goizetik ari dira guztia behar bezala antolatzeko eta barrakak muntatzeko lanetan. Arduradunek azaldu dutenaren arabera, datorren ostiralean, azaroak 19, jarriko dituzte martxan barrakak, eta abenduaren 1era arte egongo dira herrian.
Aurten ere egingo dute umeen barraka eguna. Barraketako kideek jakinarazi dutenez, abenduaren 1ean, asteazkena, bidaia erdi prezioan eskuratu ahalko dute erabiltzaileek. Barraka jabeek Juin kalean hartuko dute atseden, eta bertan aparkatzeko aukera baimenduak izango dute soilik. Trenbidearen Zumardia kaleko 1 eta 9 zenbakien arteko errepidea, aldiz, itxita egongo da, eta beraz, ezingo da han aparkatu barrakak joaten diren arte.