Azaroaren 28an, igandea, eskuz binakako txapelketako pilota partidak jokatuko dituzte Azkoitiko Gurea pilotalekuan. Promozio mailako eta lehen mailako eskuz binakako txapelketetako partidak izango dira herriko pilotalekuan. Baiko eta Aspe pilota enpresek gaur aurkeztu dute eskuz binakako pilota txapelketa, eta aurkezpenean jakinarazi dituzte lehian ariko dira zortzi bikoteak zein pilotarik osatuko dituzten.
Victor-Gaskue eta Elordi-Untoria bikoteak arituko dira promozio mailako partidan. Partida nagusian, berriz, Aspe enpresako bi bikotek neurtuko dituzte indarrak Azkoitiko Gurea pilotalekuan. Hain zuzen ere, Elezkano II.a-Zabaleta iazko bikote txapeldunak eta Irribarria-Rezusta bikotea izango dira aurrez aurre herriko pilotalekuan. Sarrerak salgai daude, lotura honetan. Partida egunean, 16:00etan zabalduko dute Gureako leihatila, eta orduan ere eskuratu ahalko dira sarrerak, baldin eta ez badira lehenago agortzen.