Irekita dago Azkoitiko Helduen Eskola publikoan 2021-2022 ikasturterako matrikula egiteko epea. Irailaren 16ra arte izango da horretarako aukera, Bizenta Mogel kaleko 4. zenbakian eskolak duen egoitzan. Egunero 10:00etatik 13:00era egin ahal izango da matrikulazioa, eta nahi duenak 943-85 03 99 telefonora ere dei dezake.
Euskara, etorkinentzat gaztelania, irakurketaren eta idazketaren garapenerako saioak, oinarrizko informatika eta Derrigorrezko Bigarren Hezkuntzako titulua lortzeko ikastaroak eskainiko dituzte.