Zein da 'xipulerue' Azkoitiko hitzaren esanahia?

Maxixatzenek, Azkoitiko euskara bultzatzeko asmoarekin, Azkoitiko hitz edo esamolde bat argitaratzen du ostiralero. Joan den astean 'ziztrille' izan zen webgunean erakutsi zuen adiera. Oraingoan 'xipulerue' hitza hautatu du Maxixatzenek. Ba al dakizu zein den bere esanahia?

Xipulerue hitza erabiltzen da Azkoitiko hizkeran pertsona batek ilea garbitu gabe, koipetsu edo zikin daramala esateko. Adibidez, honela erabili ohi da:

  • Azkoitiko hizkeran: "Ze xipulero piure da hori, Jone?".
  • Euskara batuan: "Ilea garbitu gabe duzu Jone; hori al da itxura?".

Iturria: Azkoittiko euskerie, Aizkibel beka.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide