Azkoitia eta Urretxu arteko errepidean egiten ari diren lanak tarteko, GI-631 errepidea itxita egongo da zenbait gautan. Zirkulaziorako erreietako bat dago okupatuta eta ibilgailuak txandaka ibil daitezke bi noranzkoetan, semaforoen bidez. Horrez gain, ibilgailuak pasatzeko babes elementuak jarri behar direla-eta, errepidea erabat okupatu eta itxi egingo dute gauez, 23:30etik 05:30era bitartean. Uztailean gaur izango da errepidea zenbat orduz itxiko duten lehen eguna. Honako egun hauetan itxiko dute errepidea.
- Uztailak 5, 13, 14, 19, 26 eta 27
- Abuztuak 2, 9, 10, 17, 18, 24 eta 30
- Irailak 2
Egun horietan, ordezko ibilbide hauek egitea gomendatu du udalak: GI-3750 errepidea, Elosuan barrena; GI-2634 errepidea, Azkaratetik; edota GI-2635 errepidea, Mandubiatik barrena.