Autodefentsa laboralerako formakuntza saioak antolatu ditu Urola Erdiko Kontseilu Sozialistak, eta horietatik hirugarrena eta azkena bihar, asteazkena, izango da Azkoitian. Bertan, kaleratze baten aurrean zer egin azaldu dute. Saioa 18:00etan hasiko da, Elkargunean, eta irekia izango denez nahi duen oro bertara daiteke.
Duela bi aste lan kontratu motez aritu ziren Azpeitian, eta joan den astean nomina baten kontzeptuez Zestoan. Saio horien helburua da lan arloan sor daitezkeen arazoei erantzuteko tresnak herritarrei eskaintzea. Lan aholkularitza eskaintzeko bulegoa ere zabaldu berri dute Azpeitiko Esklabetan.