Datorren asteburuan, maiatzak 22 eta 23, bigarren Aikido ikastaroa eskainiko dute Azkoitiko Elkargunean, Azkoitiko Udalak eta Elkargunean babestuta. Aikiken –egurrezko ezpata– eta Aikijo –makila– teknikak lantzeko aukera eskainiko du Lewis Bernaldo de Quirós Aikido maisuak. Bakarka eta bikoteka egingo da ikastaroa.
Ikastaroaren antolatzaileek azaldu dutenez, Aikidon ez dago lehiarik, eta praktikaren bitartez bakoitzak norbere burua hobetzea da helburua. Besteak beste, errespetua, arreta, konfiantza, barne indarra eta elkarlana dira Aikidoaren baloreak. Informazio gehiago lortzeko Elkarguneko 943-85 25 44 telefono zenbakira deitu beharko da.