Saioa erabiltzailea izan da nagusi Egunean Behin jokoko Maxixatzenen taldean. Otsailaren 1ean jarri zuten martxan jokoaren seigarren denboraldia, eta zortzi asteren ostean 2.195,13 puntu lortu ditu Saioa Maxixatzenen taldeko irabazleak, eta beraz, hark eskuratu du Ekain sagardo kaxa ekologikoa. Saioa erabiltzaileak laugarren denboraldia ere irabazi zuen Maxixatzenen taldean.
Saioaren atzetik Gaizka erabiltzailea sailkatu da bigarren 2.171,84 puntu eskuratuta, eta Tarratian hirugarren, 2.126,97 puntu batuta. Saioa irabazleak Maxixatzenekin jarri beharko du harremanetan saria eskuratzeko; erredakzioa@maxixatzen.eus posta elektronikora mezua idatzi beharko du bere izen-abizenak eta telefono zenbakia adieraziz.
Codesyntax enpresak garatu du Egunean Behin jokoa, eta seigarren denboraldian 797 lagunek parte hartu dute Maxixatzenen taldean. Aurreko denboraldiaren logika bera erabili dute oraingoan ere: zortzi astetatik jokalari bakoitzaren bost onenak hartu dituzte kontuan sailkapen orokorra osatzeko.
Hona hemen sailkapena:
