Eskualdean ehunka herritarrek parte hartu dute Martxoaren 8ko ekintzetan

Atzo, Martxoak 8, Emakume Langilearen Nazioarteko Eguna izan zen. Azkoitiko Sostenipe talde feministak elkarretaratzea egin zuen 19:00etan Azkoitian, Dena aldatu, sistema arrakalatu lelopean. Euskal Herriko mugimendu feministak egindako deiarekin bat eginez, burujabetza feminista eta antiarraztista mugarri dituztela aldarrikatu zuten. Sostenipek egindako deiari erantzunez, herritar asko elkartu zen herriko plazan.

Talde feministak nabarmendu zuen pandemiak "zaintza krisia" eragin duela. Era berean, "kapitalismoaren zapalkuntza" salatu zuten kontzentrazioaren amaieran. Azkoitiko elkarretaratzea ez zen izan Urola Kostako deialdi bakarra. Eskualdeko ia herri gehienetan egin zituzten ekintzak M8ari lotuta, batzuk isilak eta besteak zaratatsuak. Hona hemen Erlo Telebistak eskualdeko herrietan jasotako irudiak.

Erlazionatuak

'Dena aldatu, sistema arrakalatu' lelopean, hainbat herritar kalera atera dira Azkoitian

Parekidetasuna

Ozen entzun dira kalera atera diren herritarren aldarriak gaur, Martxoak 8, Azkoitian. Sostenipe talde feministak deitu du arratsaldean egin den el...

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide