'Ez da kasualitatea' bertso saio musikatuak girotu zuen Baztartxoko larunbat arratsaldea

Lau bertsolariak eta gai-jartzailea agertoki gainean. (Azkoitiko Udala)

Alaia Martin, Ane Zuazubiskar, Maddalen Arzallus eta Jone Uria aritu ziren bertsotan Baztartxoko agertokian. Bertsoei musika jartzeaz, berriz, Gari Otamendi eta Araitz Bizkai arduratu ziren, eta Saroi Jauregi izan zen gai-jartzailea.

Ez da kasualitatea bertso saio musikatua izan zen atzo, larunbata, Baztartxo antzokian. Lau bertsolari igo ziren antzokiko agertokira: Ane Zuazubiskar, Alaia Martin, Maddalen Arzallus eta Jone Uria. Bertsoei musika jartzen, berriz, Gari Otamendi eta Araitz Bizkai izan ziren, eta gai-jartzaile moduan Saroi Jauregi.

Emakume Langilearen Nazioarteko Egunaren harira Azkoitiko Udalak antolatutako saioa izan zen atzokoa, eta emanaldi horren bidez ikusarazi nahi izan zuten gizonez bakarrik osaturiko bertso saioak ere ez direla kasualitatez antolatzen.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide