Zein da 'euterie' Azkoitiko hitzaren esanahia?

Maxixatzen.eus 2021ko ots. 12a, 07:58

Maxixatzenek, Azkoitiko euskara bultzatzeko asmoarekin, Azkoitiko hitz edo esamolde bat argitaratzen du ostiralero. Joan den astean 'ziztrile' izan zen webgunean erakutsi zuen hitza. Oraingoan 'euterie' hitza hautatu du Maxixatzenek. Ba al dakizu zein den bere esanahia?

Eutera edo euterie hitzak erabiltzen dira Azkoitiko hizkeran, eguzkiak bete-betean jotzen duen lekuari deitzeko. Adibidez, honela erabili ohi da:

  • Azkoitiko hizkeran: "Atten basarrixe eutera eotea beti".
  •  
  • Euskara batuan: "Aitaren baserrian eguzkiak bete-betean jotzen du beti".

Iturria: Azkoittiko euskerie, Aizkibel beka.

Euskara Azkoitia

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide