Gipuzkoako Foru Alundiak adierazi duenez, beste bi astez luzatuko dituzte Munategiko biribilgunean irlatxoak eraikitzeko lanak. Hori dela eta, trafikoan aldaketak izango dira azaroaren 12ra bitartean; hain zuzen ere, Azkoititik Basarteko industriagunera eta Basarteko industriagunetik Azpeitira zuzenean sartzeko ezkerrerako mugimenduak debekatu egingo dituzte.
Ondorioz, Azkoititik Basartera sartu nahi dutenek Loiolako biribilguneraino joan beharko dute noranzkoa aldatzeko; eta Basartetik Azpeitira joan nahi dutenek Txerloiako biribilgunean aldatu beharko dute noranzkoa. Hilaren 16an hasi ziren irlatxoak eraikitzeko lanak, eta Excavaciones Peru S.L. enpresa hari da lanok gauzatzen.