Maxixatzenek, Azkoitiko euskara bultzatzeko asmoarekin, Azkoitiko hitz edo esamolde bat argitaratzen du ostiralero. Joan den astean 'ttanttana' hitzaren esanahia erakutsi zuen webgunean. Oraingoan, 'elderra' hitza aukeratu du. Ba al dakizu zein den hitz horren esanahia?
Elderra hitzak listua edo lerdea esan nahi du. Honela erabili ohi da:
- Azkoitiko hizkeran: "Ahotik elderra zula aillau zan antxintxikalaixe meta".
- Euskara batuan: "Ahotik lerdea zeriola iritsi zen lasterkaria helmugara".
Iturria: Azkoittiko euskerie, Aizkibel beka.