Azkoitiko Udalak Hirigintza Arauetan Eraikuntza eta Eraispen Hondakinen (EEH) plantak atzera botatzeko egin beharreko aldaketak hasiko dituela iragarri du Udal Gobernuak, eta horretarako, Lurralde Batzordea deitu du datorren ostegunerako –ekainak 4–.
Udal Gobernuak jakinarazi duenez, osteguneko bilkuran hartutako erabakia azalduko diote Azkoitiko Udalean ordezkaritza duten alderdi guztiei. Behin aldaketa hori hasita, ezinezkoa izango da EEH plantentzat aurreikusitako bi eremuetan –Azkarate eta Ipintza– horrelako gunerik eraikitzea.
Ostegunean egingo dute lehen bilera Azkoitiko udaletxean, eta ekainaren 11n bigarrena. Udalak azaldu duenez, behin erresoluzioa onartuta, Azkarateko eta Ipintzako plantak ez egitea ahalbidetzeko dagokion tramitazioari ekingo dio.